പൊറ്റാളിലെ ഇടവഴികൾ - 2 - അഭിലാഷ് മേലേതിൽ

പൊറ്റാളിലെ ഇടവഴികൾ - 2 പൊറ്റാളിലെ ജനഹിതങ്ങളുടെ വേരുകളാണ് പൊറ്റാൾ രണ്ടിൽ തെളിയുന്നത്. ഒട്ടുമിക്ക കഥാപാത്രങ്ങളുടേയും കൌമാരകാലം. അവനവനെ തിരയുകയും, തിരിച്ചറിയുകയും, ശരീരത്തിനേയും, മനസ്സിനേയും വേർതിരിക്കുകയും ചെയ്യുന്ന നേർത്ത അതിരുകൾ. അതിന്റെ പുറത്തുകൂടി ട്രപ്പീസ് കളിക്കാരുടെ കൃത്യതയോടുകൂടി കടന്നുപോകുന്ന ചിലർ. ഇപ്പോൾ ചരിയുമെന്നും, മറിയുമെന്നുള്ള വിഹ്വലതകൾ അവരിലുണ്ട്. ആ ഞാണിന്മേൽക്കളിയിൽ വീണുടയുന്നവരുമുണ്ട്. പൊറ്റാൾ ഒന്നിനേക്കാളുമെളുപ്പം വായനക്കാരന്റെയുള്ളിലേക്ക് കയറാൻ പൊറ്റാൾ രണ്ടിലെ മനുഷ്യർക്ക് സാധിക്കുന്നുണ്ട്. ഇതിൽ ഏറ്റവും ശക്തമായി നിൽക്കുന്നവർ റിയാസും ജമീലയുമാണ്. മണ്ണിൽ മുഹമ്മദെന്ന അതികായന്റെ മറവിൽ നിന്നും പുറത്തുവരികയും, പട്ടുപോവുകയും ചെയ്യുന്നവൻ, ജമീലയെന്ന സാധ്യതയുടെ മുന്നിൽ ഇല്ലാതാകുന്നവൻ. ജമീല ഒരു ‘മേരി സ്യൂ’, എല്ലാം തികഞ്ഞ കഥാപാത്രം, അല്ല. അവളുടേതായ കുറവുകൾ തിരിച്ചറിയുന്നവളാണ്. ഉഗ്രൻ പെണ്ണാണ്. അവളുടെ മുന്നിൽ, അവളിടപെടുന്ന പലരും ഒന്നുമല്ലാതാകുന്നുണ്ട്. പള്ളി തകർപ്പെടുന്നതിനോടനുബന്ധിച്ച് ഉണ്ടാകുന്ന സങ്കീർണ്ണമായ, ഗോപ്യമായ രാഷ്ട്രീയ സാംസ്കാരിക മാറ്റങ്ങൾ പൊറ്റാൾ രണ്ടിലും പ്രകടമെങ്കിലും, കഥാപാത്രങ്ങളുടെ വൈകാരികതലം കൂടി പ്രദർശനമുഖം നേടുന്നുണ്ട്. മറ്റൊരു തലം കുടിയേറിയ അധ്യാപകരുടെ ജീവിതരീതികൾ കൃത്യമായി അടയാളപ്പെടുത്തിയിരിക്കുന്നുവെന്നതാണ്. അങ്ങനെചെന്നെത്തിയ അധ്യാപക കുടുംബങ്ങളെ, തിരിച്ചുപോകാതെ കുടിയേറിയ സ്ഥലത്തിന്റെ ചരിത്രത്തിൽ അലിഞ്ഞുചേർന്നവരെ, നേരിട്ടു പരിചയമുള്ളതിനാലാവണം ആ അടയാളപ്പെടുത്തൽ പെട്ടെന്നുതന്നെ അനുഭവേദ്യമായത്. പൊറ്റാൾ രണ്ടിൽ മൂന്നു തരം രാഷ്ട്രീയ വീക്ഷണങ്ങളുണ്ട്. ഒന്ന് ഗൂഢമായി കൊണ്ടുനടന്ന് അജണ്ടകൾ നടപ്പിലാക്കുന്നവരുടെയാണ്, രണ്ട് എടുത്തുചാട്ടക്കാരുടെ പരസ്യമായ രാഷ്ട്രീയവും. ലാഭം കൊയ്തവർ ആരാണെന്ന് ഇപ്പോഴത്തെ ചുറ്റുപാടുകളിൽ വായനക്കാർക്ക് മനസ്സിലാകുമെന്നതുകൊണ്ട് ഇവിടെ വിവരിക്കേണ്ട ആവശ്യമില്ല. മൂന്ന്, ഉടലിന്റെ രാഷ്ട്രീയവും. ഇതിലെ കഥാപാത്രങ്ങൾ എത്രയാഴത്തിൽ വേരോടപ്പെട്ടവരാണെന്നു മാത്രം തൊട്ടുപോകുന്നു. ഇവർ പൊറ്റാളിനെ കൂടുതൽ ഭാഗങ്ങളിലേക്ക് കൈപിടിച്ച് കൊണ്ടുപോകുമെന്നുറപ്പാണ്. തുടർച്ചയായോ, വേറിട്ടോ വായിക്കാവുന്ന നോവലുകൾ. പൊറ്റാളിലെ ഇടവഴികൾ - 2 സെൽഫ് പബ്ലിക്കേഷൻ വില - 275 രൂപ

നനഞ്ഞ മണ്ണടരുകൾ - ജോണി മിറാൻഡ

മരിച്ചവരെക്കുറിച്ച് ഓർക്കുമ്പോൾ

ജോണി മിറാൻഡയുടെ മൂന്നാമത്തെ നോവലാണ് നനഞ്ഞ മണ്ണടരുകൾ. മേബിളിന്റെ ഓർമ്മകളിലൂടെ വിടരുന്ന അവരുടെ കുടുംബത്തെക്കുറിച്ചുള്ള കഥ. മേബിളും റോസിയുമായുള്ള സൌഹൃദത്തിന്റേയും. രഹസ്യങ്ങളുടെ ആമാടപ്പെട്ടിയാണ് റോസി. ഭർത്താവായ പെദിരോച്ചയ്ക്ക് മേബിളിനോടുള്ള പ്രണയത്തിന്റെ രഹസ്യം റോസി വെളിപ്പെടുത്തുന്നത് പെദിരോച്ചയുടെ മരണമടുക്കുമ്പോഴാണ്. അതുവരെ ആ വിവരം റോസിക്ക് മാത്രമറിയുന്ന ഒരു കാര്യമായിരുന്നു. അതുപോലെ ഒരു രഹസ്യം കൂടി പറയാനുണ്ടെന്ന് റോസി മേബിളിനെ അറിയിക്കുന്ന ദിവസമാണ് റോസി മരണപ്പെടുന്നത്. രഹസ്യങ്ങൾ വെളിപ്പെടുന്നതോടെ അതിൽ ബന്ധപ്പെട്ടൊരാൾ മരണമടയുകയാണ്. പെദിരോച്ചയുടെ സ്നേഹം അറിയുന്ന മേബിൾ അയാളുടെയരികിൽ ചെന്നിരിക്കുകയും കൈ പിടിക്കുകയും ചെയ്യുന്നതോടെ പെദിരോച്ച സ്വസ്ഥമായി മരണപ്പെടുന്നു. എന്നാൽ ലോറൻസച്ചയുടെ മുപ്പതാം ചരമവാർഷികത്തിന് തമ്മിൽ കണ്ടുമുട്ടുമ്പോൾ മേബിളിനോട് പറയാൻ ബാക്കി വച്ച രഹസ്യം വെളിപ്പെടുത്തും മുൻപ് റോസി മരണപ്പെട്ടു. അതെന്തായിരിക്കുമെന്ന ആലോചനയിലാണ് അപ്പോഴേക്കും മരണക്കിടക്കയിലായ മേബിൾ ചിന്തിക്കുന്നത്. അതിലൂടെയാണ് ജീവിതം ആസ്വദിച്ച, കുഞ്ഞുങ്ങളെ മറ്റാരേക്കാളും സ്നേഹിച്ച, അവരെ ഷാപ്പിലും, സിനിമയ്ക്കും കൊണ്ടുപോയ, അവിവാഹിതനായ, ധൂർത്തനായ സഹോദരങ്ങൾ പിരിഞ്ഞുപോയപ്പോൾ മൌനിയായ, ഒടുവിൽ  51-ആം വയസ്സിൽ കാറിടിച്ചു മരിച്ചുപോയ ലോറൻസച്ചയുടേയും, അയാളുടെ ഒരേയൊരു പെങ്ങളായ മേബിളിന്റേയും, മറ്റു മൂന്ന് അനിയന്മാരുടേയും, അവരുടെ കുടുംബങ്ങളുടേയും, പപ്പയുടേയും, മമ്മയുടേയും കഥകൾ വിരിയുന്നത്.

നാടുവിട്ടുപോകുന്ന ലോറൻസച്ച, അയാളുടെ തിരിച്ചുവരവ്, ഹോട്ടലിന്റെ തുടക്കം, നടത്തിപ്പിന്റെ ഏകാധിപത്യം, കുടുംബത്തിന്റെ ഇഴപിരിയൽ, മരണങ്ങൾ... ഒരു മരത്തിന്റെ വളർച്ചപോലെ മനോഹരമായി പടരുന്നു.

റോസി പറയാതെ പോയ രഹസ്യത്തിന്റെ നൂലിൽ കൊരുത്താണ് ജോണി മിറാൻഡ കഥ പറയുന്നത്. ലോറൻസച്ചയ്ക്ക് റോസിയോടോ, അവർക്ക് തിരിച്ചോ ഉള്ള ബന്ധമായിരുന്നിരിക്കാം അത്. അതെന്തായാലും റോസിയോടൊപ്പം ആ രഹസ്യം മണ്ണടിഞ്ഞു.

മരണത്തിന്റെ പലഭാവങ്ങളാണിതിൽ. താൻ സ്നേഹിച്ചിരുന്നുവെന്ന് മേബിൾ അറിഞ്ഞുവെന്ന് മനസ്സിലായപ്പോൾ ശാന്തതയോടെ മരിച്ച പെദിരോച്ച, ‘പശപ്പച്ചരി കൊണ്ടുണ്ടാക്കിയ പുട്ടുകുത്തിയിട്ടതുപോലെ കുഴഞ്ഞുമറിഞ്ഞു പൊടിഞ്ഞുവീണു’ മരിച്ച റോസി, കായലിൽച്ചാടി ആത്മഹത്യ ചെയ്ത ലൂയീസ്, വാഹനാപകടത്തിൽ കൊല്ലപ്പെട്ട ലോറസച്ച, കുടുംബവീട്ടിൽ തൂങ്ങിമരിച്ച, ദിവസങ്ങൾക്കുശേഷം പുഴുവരിച്ചനിലയിൽ കണ്ടെത്തപ്പെടുന്ന റോബർട്ടച്ച... മരണത്തിന്റെ പല അടരുകൾ...

മരണശേഷം റോസിയെ അടക്കിയതിന്റെ അടുത്തുതന്നെ മറവുചെയ്യപ്പെട്ടാൽ ‘എല്ലാ കഥകളും അത് ഏറ്റവും നിസ്സാരമായിക്കോട്ടെ, നീചമായിക്കോട്ടെ അത് അവസാന നിമിഷത്തിലേക്ക് മാറ്റിവെക്കാതെ നന്നായിരിക്കുമ്പോഴേ പറയേണ്ടവരോട് പറഞ്ഞുവെച്ചേക്കണം റോസീ...’ എന്ന് റോസിയെ ഉപദേശിക്കണമെന്ന മേബിളിന്റെ ചിന്തയോടെയാണ് നോവൽ അവസാനിക്കുന്നത്.

നോവൽ: നനഞ്ഞ മണ്ണടരുകൾ
ജോണി മിറാൻഡ
പ്രസാധകർ : ഏക
വില: 175

വായന 2017

1.കിണറുകൊണ്ടുപോകുന്ന പെൺകുട്ടികൾ - കവിതകൾ - പവിത്രൻ തീക്കുനി - ചിന്ത

2. അർദ്ധനാരി - തമിഴ് നോവൽ - പെരുമാൾ മുരുകൻ - പരിഭാഷ - ഷാഫി ചെറുമാവിലായി - ചിന്ത

3.ചൈനീസ് എംബസി - കഥകൾ - ഷാനവാസ് കൊനാരത്ത് - റെഡ് ചെറി

4. വർത്തമാനത്തിന്റെ പുസ്തകം - നോവൽ - എ. സെബാസ്റ്റ്യൻ - ഹൊറൈസൺ
5.പ്രവാചകന്റെ പെൺകുട്ടികൾ - കവിതകൾ - ഫെമിന ഫറൂഖ് - ഹൊറൈസൺ
6. തന്മാത്രം - ലേഖനങ്ങൾ - ഡോ. സുരേഷ് സി പിള്ള - താമര

7. ജോൺ ഏബ്രഹാമിന്റെ കഥകൾ - ജോൺ ഏബ്രഹാം - ഡിസി

8. പരിപൂർണ്ണൻ - നോവൽ - ജോൺ വർഗ്ഗീസ് - ഡോൺ ബുക്സ്

9. സറാക അശോക - നോവൽ - ജോൺ വർഗ്ഗീസ് - എസ് പി സി എസ്

10. പരിണാമം - നോവൽ - ഫ്രാൻസ് കാഫ്ക - പരിഭാഷ - നായർ - മാതൃഭൂമി

11. ആറാമത്തെ പെൺകുട്ടി - നോവൽ - സേതു - ഡിസി

12. മ്‌ - നോവൽ - ഷോഭാ‍ശക്തി - പരിഭാഷ - ടി. ഡി. രാമകൃഷ്ണൻ - ഡിസി

13. പെൺകുരിശ് - കഥകൾ - സോണിയ റഫീഖ് - മാതൃഭൂമി

14. ആ മൺസൂൺ രാത്രിയിൽ -കുറ്റാന്വേഷണനോവൽ - പോൾ സെബാസ്റ്റ്യൻ - കറന്റ് ബുക്സ്

15. നിഴൽയുദ്ധങ്ങൾ - കുറ്റാന്വേഷണനോവൽ - പോൾ സെബാസ്റ്റ്യൻ - കറന്റ് ബുക്സ്

16. ഹെർബേറിയം - നോവൽ - സോണിയ റഫീഖ് - ഡിസി

17. Ithacha - Fiction - Alan McMonagle - Picador

18. My Name is Red - ഓർഹൻ പാമുക്- നോവൽ- ചുവപ്പാണെന്റെ പേര് - വിവർത്തനം - ഡെന്നീസ് ജോസഫ് - ഡി സി

19. The Ministry of  utmost Happiness -Fiction - Arundhati Roy - Penguin books

20. സംഭാഷണങ്ങ ൾ -  അഭിമുഖങ്ങൾ - ടി. ഡി. രാമകൃഷ്ണൻ -  ലോഗോസ്

21.ജീവിച്ചിരിക്കുന്നവർക്കുവേണ്ടിയുള്ള ഒപ്പീസ് - നോവൽ- ജോണി മിറാൻഡ - മാതൃഭൂമി

22. സിറാജുന്നിസ - കഥകൾ - ടി. ഡി. രാമകൃഷ്ണൻ - ഡി സി 

23. കിച്ചൻ മാനിഫെസ്റ്റോ - നോവെല്ല - പുനത്തിൽ കുഞ്ഞബ്ദുള്ള - ഡി സി

24. ബിരിയാണി - കഥകൾ - സന്തോഷ് ഏച്ചിക്കാനം - ഡി സി

25. സദ്ദാമിന്റെ ബാർബർ - കഥകൾ - പി.എസ്.റഫീഖ് - മാതൃഭൂമി

26. ശൂദ്രൻ - നോവൽ - ടി.എൻ ഗോപകുമാർ - മാതൃഭൂമി

27. മണിച്ചിത്രത്താഴും മറ്റ് ഓർമ്മകളും - ഓർമ്മകൾ - ഫാസിൽ - മാതൃഭൂമി

28. കുടിയേറ്റക്കാരന്റെ വീട് - പ്രവാസക്കുറിപ്പുകൾ - വി. മുസഫർ അഹമ്മദ് - ഡിസി

29. യുദ്ധകാലത്തെ നുണകളും മരക്കൊമ്പിലെ കാക്കയും - നോവൽ - കരുണാകരൻ - ഡിസി

30. മരുമരങ്ങൾ - യാത്ര - വി. മുസഫർ അഹമ്മദ് - ഡിസി 

31. എരി - നോവൽ - പ്രദീപൻ പാമ്പിരിക്കുന്ന് - ഡിസി

32. യുവാവായിരുന്ന ഒൻപതു വർഷം - നോവൽ - കരുണാകരൻ - ഡിസി

33. Death at my Door step - Memoir - Khuswant Singh - മരണം എന്റെ പൂമുഖത്ത് - സ്മരണ- വിവർത്തനം സുരേഷ് എം.ജി - ഡിസി

34. ആടുകളുടെ റിപബ്ലിക് - നോവൽ - ഇയ്യ വളപട്ടണം - സൈകതം

35. ഭാരത പ്രദർശനശാല - നോവൽ - സി. അഷ്‌റഫ് - ഡി സി

36. ആനഡോക്ടർ - നോവൽ - ജയമോഹൻ - മാതൃഭൂമി

37. ശയ്യാനുകമ്പ - നോവൽ - രവിവർമ്മ തമ്പുരാൻ - ഡിസി

38. Ian McKellen - An Unofficial Biography - Mark Barrat

39. മരുന്നിനുപോലും തികയാത്ത ജീവിതം - സ്മരണകൾ - പുനത്തിൽ - ഡിസി

40. ഉയരത്തേക്കാൾ ആഴത്തിൽ - കഥകൾ - എഡിറ്റർ : നാസർ കൂടാളി - സൈകതം

41. യുദ്ധഭാഷണം - ലേഖനങ്ങൾ - അരുന്ധതിറോയ് - ഡിസി

42. ഒഴുകുന്ന പുഴപോലെ (Like the flowing River)- പൌലോ കൊയ്ലോ - വിവർത്തനം -രാജു വള്ളിക്കുന്നം - ഡിസി

43. Rubaiyaat of Omar Khayyam - Edward Fitzgerald - Indic Books

44. ആർക്കാണ് ഭ്രാന്ത് - ലേഖനങ്ങൾ - എം.പി. നാരായണപിള്ള - മാതൃഭൂമി

45. ചങ്ങമ്പുഴ പാർക്ക് - കഥകൾ - സേതു - മാതൃഭൂമി

46. കുട നന്നാക്കുന്ന ചോയി - നോവൽ - എം. മുകുന്ദൻ - ഡി സി

47. അതിജീവിക്കുന്ന വാക്ക് - നിരൂപണം - കെ.ബി പ്രസന്നകുമാർ - SPCS

48. കൊല്ലപ്പാട്ടി ദയ - കഥകൾ - ജി.ആർ. ഇന്ദുഗോപൻ - ഡിസി *

49. ചാര സുന്ദരി - നോവൽ (The Spy - Paulo Coelho ) വിവർത്തനം - സി കബനി - ഡിസി*

50. Almost The Perfect Murder - Paul Williams - Penguin Ireland

51. സ്കേറ്റിങ് റിങ്ക് - നോവൽ- (The Skating Rink - Roberto Bolano) രാധാകൃഷ്ണൻ.സി - ഡിസി

52. പുനം കഥകൾ - കഥകൾ - എം. ജി രാധാകൃഷ്ണൻ - ഗ്രീൻ ബുക്സ്

53. പെണ്ണിര - പെണ്ണനുഭവങ്ങൾ - എഡിറ്റർ - റ്റിസി മറിയം തോമസ് - ഡിസി

54. അമ്മൂമ്മക്കഥ - കഥകൾ -  വി. കെ.എൻ - ഡിസി

55. Animal Farm - Fiction - George Orwell - Maple Press

56. Origin - Fiction - Dan Brown - Penguin

57. അവിയൽ - ജനറൽ - ലോഗോസ്

58. ദൈവക്കളി - കഥകൾ - അജിജേഷ് പച്ചാട്ട് - ഡിസി

59. മോണോഗ്രാം കൊലപാതകങ്ങൾ (Monogram Murders - Sophie Hannah) Novel - വിവ: രാധാകൃഷ്ണൻ തൊടുപുഴ - ഡിസി

60. ഒടിയൻ - നോവൽ - വി. കണ്ണൻ‌കുട്ടി - ഡിസി

61. രാമച്ചി - കഥകൾ - വിനോയ് തോമസ് - ഡിസി

62. ഭഗവാന്റെ മരണം - കഥകൾ - കെ.ആർ മീര - ഡിസി

63. ഭയോളജി - കഥകൾ - വി. ജയദേവ് - ഡിസി

64. അദ്ധ്വാന വേട്ട - കഥകൾ - ഇ.പി. ശ്രീകുമാർ - ഡി സി

65. ഡോഗ് സ്പെയ്സ് - കഥകൾ - ബോണി തോമസ് - ഡിസി

66. യക്ഷി - നോവൽ - മലയാറ്റൂർ രാമകൃഷ്ണൻ - ഡിസി

67. ചെപ്പും പന്തും - നോവൽ - വി. എം. ദേവദാസ് - ഡിസി

68. വിചാരണ - നോവൽ ( The Trial - Franz Kafka ) കെ.ജെ.ജേർളി - ഡിസി

69. Digital Fortress - Fiction - Dan Brown - Corgi Books

70. The Fall - Fiction - Albert Camus - Penguin