ഇരട്ടകകൾ

രണ്ടു തലയും ഒരുടലുമായ്

ഞാനിങ്ങനെ..ഞങ്ങളിങ്ങനെ..

കടലിലലിഞ്ഞ പുഴ പോൽ

ഒന്നായിങ്ങനെ...

രണ്ടു ചിന്തകൾ ഒരുമിച്ചു 

ചുട്ടുപൊള്ളിക്കുന്ന ഒരേയുടല്‍...

ഇടതു നിനക്കും വലതെനിക്കുമെന്നു

വീതിച്ചെടുത്ത ഒരൊറ്റയുടൽ

ഒട്ടിയ  രണ്ടുടലെങ്കിൽ

പണ്ടേ കീറിയെറിഞ്ഞേനെ നിന്നെ,

ബീജകാലം മുതൽക്കെ-

ല്ലാത്തിനും പങ്കു പറ്റുന്നവൻ

ഇല്ല, ഇനിയെൻ പ്രണയത്തിൽ

പങ്കു ചേർക്കില്ല നിന്നെ 

ചാവുക ..

നിന്റെയീ പ്രിയ പാനീയത്തിൽ

കലക്കിയ കൊടും വിഷം

ഞാൻ കുടിക്കുന്നു..