ചോളപ്പൊരി

ചോളപ്പൊരി

ചോളപ്പൊരിയും സിനിമയും പോലെ
നമ്മൾ പരസ്പര പൂരകം
അതുകൊണ്ടല്ലേ ആ ഇരുട്ടിലും
ഇത്ര കൃത്യമായ് നീയിങ്ങനെ
കൈകളിലേക്ക് ഓടിക്കയറി
എന്നിലലിഞ്ഞു തീരുന്നത്
അല്ലെങ്കിൽ
അവസാനത്തെ ചോളവും
സിനിമയും എങ്ങനെയാണ്
ഒരുമിച്ച് തീരുന്നത്?

വെളിച്ചം വരുന്നതുവരെ
കൊട്ടക മറ്റൊരു ലോകമാണ്,
അതുകൊണ്ടാണ്,
ആദ്യത്തെ വിളക്ക് തെളിയുന്നതിനോടൊപ്പം
സിനിമ ടിക്കറ്റും, പൊരിപ്പൊതിയും പോലെ
നമ്മൾ എവിടെയോ ചെന്നടിയുന്നത്
പരസ്പരം അറിയാതെ പോകുന്നത്.