ഓർമ്മയിലെ ഒറ്റമരം

ഓർമ്മയിലെ ഒറ്റമരം നീ..

നീല നദിക്കരികെ 

ചുവന്ന പാറമേൽ ഒറ്റയ്ക്ക് ;
കാരമുള്ളാൽ നിന്നുടൽ ഭോഗിച്ച
കിഴവൻ വള്ളിയൊരു
കോടാലിക്കരുത്തിലറ്റനാൾമുതൽ
ചുറ്റിപ്പിണയുവാൻ,

കുത്തിനോവിക്കുവാൻ ഭയത്തിൻ 

കിനാവള്ളികളേതുമില്ലാതെയൊറ്റ നീ

സ്വാദ സ്വാതന്ത്ര്യം...

ഏകാന്തതയുടെ കൂർത്ത മൌനം 

പോറിച്ച തൊലിയുമായ് ,

കൊടും തണുപ്പിൽ 

ഇപ്പോഴും പച്ചയായ് ...
വെയിലുടുത്തു വളർന്ന നിന്നെ
പൊള്ളിക്കാനേതു തണുപ്പിനാവും ?

ഓർമ്മയിലെ ഒറ്റമരം നീ..
എന്നോർമ്മയിലെ പച്ചമരം നീ..

ചിത്രം : സച്ചിൻ വിജയൻ