Ad

Thursday, 19 April 2012

ഓർമ്മയിലെ ഒറ്റമരം











ഓർമ്മയിലെ ഒറ്റമരം നീ..
നീല നദിക്കരികെ 
ചുവന്ന പാറമേൽ ഒറ്റയ്ക്ക് ;
കാരമുള്ളാൽ നിന്നുടൽ ഭോഗിച്ച
കിഴവൻ വള്ളിയൊരു
കോടാലിക്കരുത്തിലറ്റനാൾമുതൽ
ചുറ്റിപ്പിണയുവാൻ,
കുത്തിനോവിക്കുവാൻ ഭയത്തിൻ 
കിനാവള്ളികളേതുമില്ലാതെയൊറ്റ നീ

സ്വാദ സ്വാതന്ത്ര്യം...

ഏകാന്തതയുടെ കൂർത്ത മൌനം 
പോറിച്ച തൊലിയുമായ് ,
കൊടും തണുപ്പിൽ 
ഇപ്പോഴും പച്ചയായ് ...
വെയിലുടുത്തു വളർന്ന നിന്നെ
പൊള്ളിക്കാനേതു തണുപ്പിനാവും ?
ഓർമ്മയിലെ ഒറ്റമരം നീ..
എന്നോർമ്മയിലെ പച്ചമരം നീ..

6 comments:

MyDreams said...

ഈ ഒറ്റ മരത്തെ അറിയുന്നു ഞാന്‍ നെഞ്ചില്‍ ഒരു നെരിപോടെ

പട്ടേപ്പാടം റാംജി said...

ചുവന്ന പാറമേല്‍ ഒറ്റയ്ക്ക്..

Nassar Ambazhekel said...

അതിനാ പറയുന്നത് കാറ്റുള്ളപ്പോൾ ...........

Jenith Kachappilly said...

Good one :)

Regards
jenithakavisheshangal.blogspot.com

Muralee Mukundan said...

വെയിലുടുത്തു വളർന്ന നിന്നെ
പൊള്ളിക്കാനേതു തണുപ്പിനാവും ?

സന്തോഷ്‌ പല്ലശ്ശന said...

തീക്ഷണമായ വരികള്‍...
ഉചിതമായ ഉപമകള്‍.. ബിംബങ്ങള്‍..
കവിത ഇഷ്ടമായി..