ചില കാര്യങ്ങൾ

ചില കാര്യങ്ങളങ്ങനെയാണ്
നമുക്കൊരു ഉറപ്പുമില്ല
മനസ്സിന്റെ നിഴലുപോലെ
അറിയില്ലേ?
നിഴൽ നിയമങ്ങൾ

വെളിച്ചത്തിനെതിരാണെന്ന്......

ചില കാര്യങ്ങളങ്ങനെയാണ്
നമ്മുക്കൊരു ഉറപ്പുമില്ല
മുറിഞ്ഞ കഴുത്തിൽ നിന്നു
വാക്കു ചിതറും പോലെ
മരണമൊഴി പോലെ
കിട്ടിയാല്‍ കിട്ടി
ചില വാർത്തകൾ പോലെ

വന്നാൽ വന്നു

നമ്മുക്കൊരു ഉറപ്പുമില്ല

എന്നലുറപ്പുള്ള ചിലതുണ്ട്

ചെറിയതുറയിലെ ബോംബേറു പോലെ

ഭീമ പള്ളിയിൽ കത്തിയ ഖുർ‍ആൻ പോലെ 

പാവപെട്ടവന്റെ കറൻസികൾ പോലെ
ചിതറിയ ചോര പോലെ

എന്നുമുണ്ടാകുമെന്നുറപ്പുള്ള ചിലത്

ചോര മണക്കുന്ന ജനാധിപത്യം

അല്ലെങ്കിൽ

തീ തിന്നുന്ന മനസ്സുകൾ