Ad

Thursday, 13 February 2014

അദൃശ്യപ്രണയം










നമ്മൾതമ്മിൽ ഒരിക്കലും 
കാണാതിരിക്കട്ടെ 

കാണാൻ അല്പമെങ്കിലും 
സാധ്യതയുള്ളയിടത്ത് 
നമ്മുക്ക് പോകാതിരിക്കാം 
അല്ലെങ്കിൽ 
ഞാൻ പോയിവന്നിട്ട് നീയോ 
നീ വന്നുപോയിട്ട് മാത്രം ഞാനോ
അവിടെയെത്തുക

നീ അവിടെയുണ്ടായിരുന്നു-
വെന്നോർത്ത് ഞാനും, 
ഞാനവിടെ ഉണ്ടായിരുന്നു-
വെന്നോർത്ത് നീയും 
അതുവഴി ഒറ്റയ്ക്ക് നടക്കുക 

അതൊരു കടൽത്തീരമെങ്കിൽ 
കടലിനെ കാണുന്ന 
ചാരുബഞ്ചിലിരുന്നു 
ഞാനെന്നോ നീയെന്നോ 
കരുതി കടലിനോട് 
വർത്തമാനം പറയുക 

നമ്മൾ തമ്മിൽ ഒരിക്കലും 
കാണാതിരിക്കട്ടെ 
നമ്മുടെ പ്രണയം അത്രയും 
അദൃശ്യമായിത്തന്നെയിരിക്കട്ടെ

6 comments:

പട്ടേപ്പാടം റാംജി said...

അദൃശ്യപ്രണയത്തിനു അപാര സൌന്ദര്യമാണ്.

soumya prasanth said...

കാണുമ്പോൾ.... പറയാൻ ബാക്കി വെച്ചതും മറന്നു പോയതും ഒക്കെ വിഴുങ്ങുക..........കാരണം....പറയാതെ ..അറിയാതെ പോയ പ്രണയത്തിനു ഇരട്ടി മധുരം ആണ്

ajith said...

അദൃശ്യമെങ്കിലും മനോഹരം

Cv Thankappan said...

കാണാത്തതിനോടാണ് ഇഷ്ടം!
സങ്കല്പങ്ങളിലെ സൌന്ദര്യ ചാര്‍ത്തുകളൊക്കെയും ചാര്‍ത്തി....
ആശംസകള്‍

സിയാഫ് അബ്ദുള്‍ഖാദര്‍ said...

പ്രണയം അദൃശ്യമാവുമ്പോഴും അതവിടെത്തന്നെയുണ്ട് ..

ബിലാത്തിപട്ടണം Muralee Mukundan said...

നമ്മൾ തമ്മിൽ ഒരിക്കലും
കാണാതിരിക്കട്ടെ
നമ്മുടെ പ്രണയം അത്രയും
അദൃശ്യമായിത്തന്നെയിരിക്കട്ടെ