Ad

Friday, 23 February 2018

ജെ എന്ന ഫോൾഡർ

ജെ എന്ന ഫോൾഡർ

നമ്മൾ ഉപേക്ഷിച്ച സംഭാഷണങ്ങൾ കൊണ്ട് 
തീർത്ത ശിൽപമായിരുന്നുവത്,
രണ്ട് ചുംബനങ്ങളുടെ ഇരട്ടത്താഴാൽ 
സുരക്ഷിതമാക്കപ്പെട്ട രഹസ്യ അറ,
ജിന്നിനെ കാണാൻ വരുന്ന
മിന്നാമിന്നികളുടെ രാജ്ഞി തൂകുന്ന വെളിച്ചമുള്ള,
നിനക്കായി മാത്രം വിരിഞ്ഞ ഗന്ധരാജന്റെ
മണം തങ്ങിനിൽക്കുന്ന രഹസ്യ അറ,
പ്രണയോദ്ദേശം  ചോദ്യം ചെയ്തപ്പോൾ 
ഉത്തരം വിക്കിയ രാത്രിയിൽ,
ദേഷ്യത്തിന്റെ ഒറ്റക്കുത്തിൽ ഉടഞ്ഞുപോയത്, 
തുറക്കുമ്പോൾ ശൂന്യമെന്ന് തോന്നുമെങ്കിലും,
വിലക്കപ്പെട്ട സുഹൃത്തിന്റെ ഓർമ്മകൾ 
നിറഞ്ഞുതുളുമ്പുന്ന ജെ എന്ന ഫോൾഡർ ...

1 comment:

Muralee Mukundan , ബിലാത്തിപട്ടണം said...

തുറക്കുമ്പോൾ ശൂന്യമെന്ന് തോന്നുമെങ്കിലും,
വിലക്കപ്പെട്ട സുഹൃത്തിന്റെ ഓർമ്മകൾ
നിറഞ്ഞുതുളുമ്പുന്ന ജെ എന്ന ഫോൾഡർ ...