Ad

Friday, 13 February 2015

ഫെബ്രുവരി 13നും 15നും ഇടയിലുള്ളൊരു ദിവസം










പതിമൂന്നിൽ നിന്നും 
പതിനാലിലേക്ക് വെളിച്ചം വന്നപ്പോൾ
പ്രണയത്തിരകൾ വകഞ്ഞ്
കപ്പലുകൾ വന്നു നിന്നു.
ലൈഫ് ജാക്കറ്റുകൾ പോലുമില്ലാതെ 
നമ്മൾ കടലിലേക്ക് ചാടി

നിമിഷത്തിന്റെ ഏതോ ഒരംശത്തിൽ
കണ്ണു തെറ്റിയപ്പോൾ
ബിയർപ്പതയുടെ സ്വർണ്ണ പ്രഭയിൽ
ഒരൊറ്റ ഗ്ലാസ്സിൽ, മുറിയിൽ
വീങ്ങിയ കണ്ണുമായ്
മുഷിഞ്ഞ പുതപ്പിനടിയിലേക്ക്
പതിനഞ്ചിന്റെ വെളിച്ചം
എത്തി നോക്കി ഉണർത്തുന്നു.

കഴിഞ്ഞ ജീവിതത്തിൽ നിന്നും
കാണാതെ പോയൊരു ദിവസമെന്ന്
ഫെബ്രുവരി പതിനാലിനെ
കലണ്ടറിൽ അടയാളപ്പെടുത്തുന്നു

4 comments:

Cv Thankappan said...

ലാഭനഷ്ടങ്ങളുടെ മദ്ധ്യേയിങ്ങനെ.....
ആശംസകള്‍

Muralee Mukundan , ബിലാത്തിപട്ടണം said...

പ്രണയമില്ലാതെ ചുമ്മാ ബിയർ പതയിൽ മാഞ്ഞ് പോയ ഒരു ദിവസം





















(ഓഫ് പീക്ക് :‌ ‌

പ്രണയം കടം കിട്ടുമെന്നുപറയുന്നൊരുനാള്‍ ....

പ്രണയത്തിനായി ആണ്ടില്‍ നീക്കിവെച്ച ഈ ദിനത്തിൽ ..!

പണം കൊടുത്താലെങ്കിലും കിട്ടിടുമോ

ഈ ദിനമെങ്കിലും പ്രണയം സുലഭം ? ശാശ്വതമായെനിക്കു മാത്രം ?)

Vinodkumar Thallasseri said...

നഷ്ടം ഒരു ദിവസത്തിണ്റ്റേതോ?

ajith said...

ഞങ്ങള്‍ക്കെന്നും 14ന്ന് മാത്രമേ തീയതിയുള്ളു