നൂൽപ്പാലം

             

ആത്മഹത്യ ചെയ്യാൻ തുടങ്ങുമ്പൊഴേക്കും 

മരിയ്ക്കില്ലായിരിക്കും എന്നൊരു 

പ്രതീക്ഷയുടെ നൂൽപ്പാലം പൊങ്ങാറുണ്ട്..

കാലുവെയ്ക്കുന്ന സ്റ്റൂളു തെന്നി, 

തെളിഞ്ഞു തടിച്ച ഞരമ്പുകമ്പിയിൽ  

മിന്നലുപോലെ പാഞ്ഞൊരു 

ബ്ളെയ്ഡിന്റെ മൂർച്ചയിൽ,  

ഒരു ശ്വാസകോശ ബലൂൺ പൊട്ടി 

കുമിള നുരയുന്നൊരു പുഴയിൽ  

അവരറിയാതെതന്നെ പാലം തകരാറുണ്ട്..

ജീവനോടെയും അല്ലാതെയും 

ഞങ്ങളിലൊരുപാടു പേരങ്ങനെ മരിച്ചിട്ടുണ്ട്..