Trending Books

Friday 4 September 2009

മറുപുറം

ബ്ലോത്രം ഓണപ്പതിപ്പില്‍ വന്നത്



ആളി കത്തുന്ന
തീയുടെ പുറകില്‍
ഒരു കാറ്റുണ്ട്;
ആര്‍ത്തിരമ്പുന്ന
തിരയുടെ പിന്നില്‍
ഒരു കടലും;
അലച്ചു പെയ്യും
മഴയ്ക്ക് പിന്നി-
ലൊരു മേഘം;

തലപൊക്കി നില്‍ക്കും
കുന്നിനോട്
കാറ്റ് തോല്‍ക്കുന്നു;
നെഞ്ചേറ്റി പുല്‍കുന്ന
കരയോട്
കടല് തോല്‍ക്കുന്നു;
കത്തുന്ന വെയിലില്‍
കണ്ണ് കാണാതെ
മേഘമകലുന്നു;

മൂന്നടിയളക്കുന്ന
കാലിന്നടിയില്‍
കുന്നു കരയാകുന്നു,
കര കടലാകുന്നു
കടലോ ആവിയും
കണ്ണീരുമാകുന്നു

വാമനാ,
മറുപുറത്തില്‍്
കര പതാളമാകും
കാലടിയിലെ
കര കടല്‍ കവരും
കടലില്‍
നീ മാത്രമാകും

7 comments:

Anonymous said...

എന്നും നീ മാത്രം അവശേഷിക്കും , നീ മാത്രം

Steephen George said...

Kollam

ഫസല്‍ ബിനാലി.. said...

അതെ, നന്നായിരിക്കുന്നു,
ആശംസകള്‍.

പാവപ്പെട്ടവൻ said...

ആളി കത്തുന്ന
തീയുടെ പുറകില്‍
ഒരു കാറ്റുണ്ട്;
ആര്‍ത്തിരമ്പുന്ന
തിരയുടെ പിന്നില്‍
ഒരു കടലും;
അലച്ചു പെയ്യും
മഴയ്ക്ക് പിന്നി-
ലൊരു മേഘം;

ഞാന്‍ ഇത് ബ്ലോത്രത്തില്‍ വായിച്ചു അഭിപ്രായം പറഞ്ഞു എന്നിരുന്നാലും കവിത മനോഹര മായിരിക്കുന്നു കുറച്ചു കാര്യങ്ങള്‍ കുറെയേറെ അര്‍ത്ഥങ്ങള്‍

Unknown said...

നീ മാത്രമാകും അതു സത്യം..കൊള്ളാം

Deepa Bijo Alexander said...

നല്ല കവിത.

വയനാടന്‍ said...

നന്നായിരിക്കുന്നു കവിത.
ഒരുപാടു ചിന്തകൽ വിതയ്കുന്നു