നീയെന്റെ പുഴ
ഞാന് വെട്ടിയ കൈവഴികളിൽ
രാജ്യാതിർത്തി കടന്നവൾ
കടലറിയാതെ വളർത്തിയൊരെൻ
കൈക്കുമ്പിൾ പുഴ
കോരി നെഞ്ചോട്‌ ചേർത്തത്,
വിരൽ വിടവിലൂടെ
ഞാനറിയാതെ ഊർന്നത് ,
പെരും കടൽ തിരയിലമർന്ന് ,
ഉപ്പിൽ കുതിർന്ന്
പുഴപ്പേര് മാറി
കടലെന്നൊറ്റ വിളിയിൽ ഒടുങ്ങിയോള്‍ ..
ഇന്നേതു കരയുടെ കടലാണ് നീ?
ഇത്രനാൾ, എത്രമേൽ
നിന്നിലലിഞ്ഞു കുതിർന്ന ഞാൻ
കാത്തിരിക്കുന്നു
കാത്തിരിക്കുന്നു
തിരയായ്‌ നീ നനയ്ക്കുമീ തീരത്ത്
ഏകനായ്, വ്യഥിതനായ് ;
ഞാൻ ഖിന്നൻ,
മറുകര തെരുവിലൊരു പാതി വീട് ഞാൻ ഖിന്നൻ,
ഇനിയേത് മണൽ കോരി തീർത്തിടും,
ഏതു പുഴജലം തേകി ദൃഡമാക്കിടും?
കടല്‍ക്കാറ്റുലയ്ക്കുമീ സന്ധ്യയിൽഅറിയുന്നു നീയെന്നയുപ്പിനെ;
ഈ തീര മണലിലുരഞ്ഞു
തൊലി പൊളിഞ്ഞ നീറ്റലായ്,
കിനിയുന്ന ചോരയായ്.
നീറലനുഭവപ്പെടുന്നുണ്ടല്ലോ....
ReplyDeleteനല്ല വരികൾ,ഒരു നൊമ്പരം ഒളിപ്പിച്ച് വച്ചിട്ടുണ്ടോ ന്ന് സംശയമില്ലാതില്ല. അല്ല,ഉണ്ടാവും.
ReplyDeleteഅങ്ങനെയുള്ളവരല്ലേ കവിതകളധികവും എഴുതുക?
ആശംസകൾ.
നന്നായി എഴുതിയിട്ടുണ്ട്
ReplyDeleteഇന്നേതു കരയുടെ കടലാണ് നീ?
ReplyDeleteസന്ദേഹം മുഴുവന്‍ ഒളിപ്പിച്ചുവെച്ചിരിക്കുന്നു
പുതുമയോടെ ചില വരികള്‍ ..മനോഹരം.
ReplyDeleteപുഴയോരഴകുള്ള പെണ്ണു..........
ReplyDeleteനന്നായി.......ശുഭാശംസകൾ.....
നല്ല കവിത.
ReplyDeleteഅവള് പോയാ പോട്ടെന്നേ...
ReplyDeleteപുഴയ്ക്കാണോ ഈ ലോകത്ത് പഞ്ഞം?
ഭഗീരഥാ, പാഴായിട്ടില്ല ഈ 'കലപ്പ'പ്രയോഗം. പല വരികളിലും കവിത ഉറവയെടുക്കുന്നു.
ReplyDeleteഒന്നൊന്നായ് പുറകെ വരുന്ന വേദനകള്‍
ReplyDeleteകടലോളം സ്നേഹം മനസ്സില്‍ കരുതി. കൈക്കുമ്പിളിലൂടെ എല്ലാം വാര്‍ന്നുപോകുന്നത് നോക്കിനിന്നവന്‍.., ഒരു നോമ്പര പൊതി പോലുള്ള കവിത.
ReplyDeleteഞാന് വെട്ടിയ കൈവഴികളില് രാജ്യാതിര്ത്തി കടന്നവള്...അതൊക്കെ അഹങ്കാരമാണ്. പുഴയ്ക് രാജ്യാതിര്ത്തി കടന്നെഴുകാന് ആരും കൈവഴി വെട്ടി കൊടുക്കേണ്ട ഒരു ആവശ്യവുമില്ല
ReplyDeleteഞാൻ എന്റെ പുഴയെക്കുറിച്ചാണ് എഴുതിയിരിക്കുന്നത് അനു... :)
ReplyDeleteവായനയ്ക്കു നന്ദി...
സ്നേഹം ജുനൈദ്
എച്മു ആദ്യ വായനയ്ക്കും കമന്റിനും നന്ദി... ഇനിയും വരുമല്ലൊ..
ReplyDeleteമണ്ടൂസൻ, സലീം വീമ്പൂർ, മൈ ഡ്രീംസ്, ആറങ്ങോട്ടുകര മുഹമ്മദ്, സൌഗന്ധികം, ചീരാമുളക്, അജിത് ഭായ്, നാസർ മാമ, പട്ടേപാടം, ഉദയപ്രഭൻ ...എല്ലാവർക്കും നന്ദി സ്നേഹം
ReplyDelete